Birgitta Rut Skúladóttir

Í vetur hef ég verið að gera 3 ritunarverkefnið mitt. Ég ákvað að gera skáldsögu. Þessi saga fjallar um 5 ára stelpu sem heitir Dísa. Hún elskar pils og dúkkuna sína. Hún á tvær bestu vinkonur en þær heita Þórdís og Rakel. Einn daginn þegar mamma hennar sækir hana á leikskólann segir hún henni að hún sé með rosalegar fréttir. Mamma hennar er ólétt. Sagan er um það tímabil frá því að mamma hennar segir henni fréttirnar og að deginum sem barnið fæðist. Ég lærði margt á meðan ég var að skrifa þessa sögu eins og hversu mikilvægt er að lýsa atburðum sögunar vel því annars er þetta bara leiðinleg upptalning sem engin vill lesa. 

Hér getur þú lesið söguna mína  

Ég hef verið að lesa bókina Stelpur í stressi eftir Jacqueline Wilson. Þegar ég var búin með bókina átti ég að gera bókagagnrýni um bókina. Auk þess að þurfa að gera bókagagnrýnina þá þurfti ég að teikna 2-3 myndir sem tengjast bókinni. Þann 11 apríl þá er bekkurinn að fara í myndver þar sem við eigum að lesa bókagagnrýnina upp og sýna myndirnar. Mér fannst þetta mjög skemmtileg bók en ég átti mjög auðvelt með að lifa mig inn í bókina. Ég lærði margt á þessu verkefni eins og t.d. að rökstuðningur er mjög mikilvægur, að segja vel frá bók í stuttu máli og margt fleira. Mér fannst þetta skemmtilegt þótt að það hafi stundum verið erfitt að rökstyðja gagnrýnina.

Hér getur þú séð gagnrýnina mína 

Í stærðfræði hef ég verið að vinna í hópavinnu, ég og Þór vorum saman í hóp. Við byrjuðum á að fara í word og búa til ramma, við gerðum 4x5. Svo færðum við rammana yfir í paint þar sem við gerðum munstur með strikum og lituðum svo. Þá þurftum við að færa aftur yfir í word og reikna prósentur, almenn brot og tugabrot á hverjum lit fyrir sig. Svo fór kennarinn yfir og þegar hann var búin að laga villur vistuðum við verkefnið sem PDF-skjal og settum á box.com. Við lærðu ýmislegt á þessu eins og t.d. að búa til ramma í word, að finna út tugabrot og prósentur og margt fleira. Okkur gekk vel að gera listaverkið í paint en þegar það kom að því að finna út hversu marga þríhyrninga þurfti til að gera einn reit þá lentum við í smá veseni. Mér fannst þetta skemmtilegt verkefni og ég væri alveg til í að gera þetta aftur. 

Í samfélagsfræði hef ég verið að læra um Hallgrím Pétursson sem er eitt besta trúarskáld okkar íslendinga. ég mátti ráða hvort að ég ætlaði að gera power point glærukynningu um hann eða Publisher bækling, ég ákvað að gera glærur því mér finnst skemmtilegra og þægilegra að vinna með punkta heldur en samfellt mál. Ég valdi fyrst hvað af upplýsingunum sem kennarinn minn lét mig hafa ætti að vera í glærukynningunni minni og fór svo að skrifa upplýsingarnar í tölvur og fékk kennarann svo til að fara yfir fyrir mig. Þá var ekkert annað eftir en að finna myndir, en það var pínu erfitt. ég lærði margt af þessu verkefni eins og að hann samdi " Allt eins og blómstrið eina" í sorg vegna andláts steinunnar, sem dó aðeins 4 ára, að það væru fleiri en ein kirkja nefnd eftir honum en ég vissi aðeins af Hallgrímskirkju í Reykjavík og fleira. Mér gekk að vinna þetta verkefni og mér fannst það mjög skemmtilegt. 

Hér getur þú séð glærukynninguna mína